SHH-Spezial: Erstmäuche

Schärbähufä
vor 2 Tagen
4 Min. Lesezeit

Erstmäuche erzählen – So fühlt es sich an, neu im Schärbähufä zu sein!

Man kommt vielleicht mal ganz unverbindlich an einen Infoabend, will „nur kurz schauen“ – und plötzlich steht man mitten im Schärbähufä. Zwischen Proben, Auftritten, Schmink-Stress, Fasnachtswahnsinn und einer Truppe, die einen schneller aufnimmt, als man überhaupt „Ich probiere es mal ein Jahr“ sagen kann. 😌

Genau das ist Steffi, Kimi, Michi und Noah passiert. Die vier erzählen, wie sie bei uns gelandet sind und welche Momente aus ihrem ersten Jahr direkt für bleibende Schäden gesorgt haben – natürlich nur im besten Sinn. Von Probeweekend über Schmudo bis zu Auftritten, bei denen man spätestens merkt: Okay, jetzt bin ich offiziell mitten im Schärbähufä-Wahnsinn angekommen.

Danke euch vier für eure Antworten, euren Mut und eure Erstmäuch-Energie. An alle, die noch überlegen, ob der Schärbähufä etwas für sie wäre: Vorsicht – das hier könnte gefährlich überzeugend sein. 😏

Von links nach rechts: Steffi, Kimi, Michi und Noah – Eintritt 2025 — Von links nach rechts: **Steffi, Kimi, Michi und Noah** – **Eintritt 2025**

Interview mit den Erstmäuchen

Wer bisch du?

Kimi: „Ech be de Kimi, bi 16ni und spiele Trompete. 🎺“
Michi: „Sali dui. Ich bi de Michi, bi 24gi und bi vo Hergiswil. Ich spiile Pauke oder probiers ämu.“
Noah: „Noah, 20, Tom Chuchi.“
Steffi: „Hallllooooo ich bi d Steffi, 22gi und eini vom Tschiffi. Dank miim Fründ wohn ich z Hergiswil. S hed nid so vill Sunnä aber s isch ganz Okay. Ich spiele eigentlich keis Instrumänt. Ich duä nur de gliichä als chänt ich Trompete spielä. “

Wie bisch du ufe Schärbähufä ufmerksam worde?

Kimi: „Uf de Schärbähufä bini dur mini Familie ufmerksam worde.“
Michi: „Ich kenne dä Hufä scho länger, da ich z’hergiswil uifgwachse bin und de Raoul und de Dion scho lang probiered mich ih Schärbähufä z‘hollä.“
Noah: „Durd Fasnacht und die geil Musig.“
Steffi: „De Michi hed am Fäzigä Mändig ä Visitächartä vom Nils becho und xeit, miär sellid mal a Infoabä cho losä. Äs sigi nu gmiätlich.“

Was hed dich dezue bewegt, Mitglied z'wärde?

Kimi: „Ech ha scho siit langem i de tolli Hufä wölle und jz hanni endlech dörfe.“
Michi: „Ich han scho länger mit dem Gedanke gspiilt mal inne Gugge zgah und irgendwenn han ich mal zgfühl gha ich gang ah Infoabig. Dett isch es scho mega lustig gsi und han mich dett scho sehr willkomme gfühlt.“
Noah: „De Elio und dAline wo mich entfüert hend.“
Steffi: „Eigentlich isch d Iiladig zur GV zum Dessert ässä, was mich ahglockt hed. 😅“

Hesch du vor de Gugge scho musikalischi Erfahrige gha?

Kimi: „Vor de Gugge han ech es halbs jahr Xylophon gspielt bes sie mech usegrüehrt hed. 😭 “
Michi: „Nei absolut nid bis uf die paar Lektione wo mer ih de Schuel gha het.“
Noah: „⁠Ja, Schlagzüüg.“
Steffi: „Nei, absolut nid.“

Was sind typischi Erläbnis i de Ziit als Erstmäuch?

Kimi: „En riise Stress ha zom Schminki putze well emmer zwei drü ned verschtönd das 10ab fertig mit schminke ned 9ab afa mit schminke heisst. 🤷🏽“
Michi: „Am Schmudo morge wo mer s‘erste mal alli sgliiche Gwändli ahgha hend.“
Noah: „Als Mälch bezeichnets werde.“
Steffi: „S Probeweekend. Miär sind d Unterhaltig für alli, bechemid aber vo uberall d Unterstitzig und d Chraft für diä cooli Taufi.“

Wie schnell hesch du dich i üsem Hufä integriert gfühlt?

Kimi: „Eigentlech scho ab de Osterparty direkt. 😁“
Michi: „Sehr schnell da alli sehr offe sind und mer vo überall hilf uberchund wenn mer öppis bruicht.“
Noah: „⁠Ja, eigentlich scho rächt schnell vo früeh ah.“
Steffi: „Am Gliichä abä wiäs GV Dessert gäh hed bini eigentlich scho fast dinnä xii😅 und schuscht bim Uifbui vom Uferfäst.“

Wie würsch du d'Stimmig und de Zämehalt bim Schärbähufä beschriibe?

Kimi: „DStimmig und de zämehalt esch e dere Gugge während de Fasnacht sowie söscht unter em Jahr phänomenal.“
Michi: „De zämehalt isch mega es isch wie ei grossi Familie wo alli fürenand da sind und d‘stimmig isch au immer super egal ob am morge am 1 oder am namitag am 3.“
Noah: „Sehr stark und lebhaft.“
Steffi: „De Zämmähalt isch absolut starch. Dui chasch mit egal wem ad Shotbar stah und ei Shot nachem anderä Näh. Ohni de Schärbähufä isch jedes Fäst eifach Langwiilig.“

Gids es bsundrigs Erläbnis oder en Uftritt, wo dier in Erinnerig blube isch?

Kimi: „Die ganz Fasnacht esch för mech es riiise Erläbnes gse aber en bsundre Uftritt heds gä und zwar am Guggeöberfall woni uf die Denkmal Bühni glofe ben und bes zum Banhof hindere nome Lüt gseh han.“
Michi: „Die ganz Fasnacht mal us de sicht vonere Gugge us zgse isch es bsundrigs Erläbnis.“
Noah: „Ja, dr Uftritt in Winterthur de isch für mech persönlich öppis speziells gsi.“
Steffi: „Am Schmudo hemmer um diä 12i am Abä nu ä Uiftritt gha, ich ha dänkt, es wird kei liit meh ha, aber doch. Miär hend nid uf de Dänkmaltribühne gspielt, sondern uf de Strass diräkt vor de Liit. De hed mä allnä grad chennä id Aigä luägä und xee wiä fest spass es ihnö gmacht hed, iis z gheerä.“

Mit wellne 3 Wörter würsch du üsi Gugge am beste beschriibe?

Kimi: „Besti Entscheidig wod machsch (send 4 gse)“
Michi: „Spiel, Spass, Saufen“
Noah: „lustig, voller energie, geil“
Steffi: „Ei Grossä Schärbähufä“

Was würsch du öpperem säge, wo no zögered, bim Schärbähufä biizträtte?

Kimi: „Mer chönt dBeschriftig au zu Schärbähuifä ändere. 😂“
Michi: „Mach mal es Jahr was hesch scho zverlüüre?“
Noah: „⁠Chum doch mal an Info-Hock cho zuelose, de chame wiiter luege. 😉“
Steffi: „Hesch gärä Fasnacht? Bisch gärä under Liit? Wettisch mal ebbis anders erlebä? De mach mal eis Jahr bi iis mit. Eis Jahr hesch niid z verliirä. De nah wettisch niä meh us dem Huifä gah.“

Fazit – „Ich los nur mal drii“ – Klassiker. 😏

Ob wegen Familie, Kollegen, guter Musik oder ganz klar wegen Dessert: Irgendwie finden sie alle den Weg in den Schärbähufä und erstaunlich viele bleiben dann nicht nur kurz.

Denn zwischen Proben, Auftritten, Fasnacht, Chaos, Lachen und wenig Schlaf passiert ziemlich schnell etwas Gefährliches: Man fühlt sich wohl. Und ehe man es merkt, ist man nicht mehr einfach „neu“, sondern schon voll Teil vom Haufen.

Heisst also für alle, die 2026 noch überlegen: Es könnte sein, dass ihr nur mal reinschauen wollt – und am Ende mit Gwändli, Schlafmangel und einem neuen Lieblingshaufen dasteht. ❤️

Konnte dich der Beitrag überzeugen oder willst du auch „nur mal reinschauen“? 😏

Dann komm an unseren Erstmäuch-Infohock am Donnerstag, 2. April 2026, um 19.30 Uhr in der Sackgass Hergiswil.

Und gleich danach findet die legendäre Osterparty mit Wine-Tasting statt!😉🎉

Weiter geht’s mit SHH-Spezial: Social-Media Queen! 👀