SHH-Spezial: OK Uferfäscht

Wer steckt hinter dem Uferfäscht?

Der Sommer ist zurück – und mit ihm auch das Uferfäscht. Am 3. und 4. Juli wird die Rössliwiese in Hergiswil wieder zum Treffpunkt für Musik, Drinks, gutes Essen und Sommerstimmung direkt am See. ☀️🍹

Doch hinter dem Fest steckt weit mehr als zwei Tage feiern. Seit Jahren gehört das Uferfäscht zum Sommer in Hergiswil – organisiert vom Verein Schärbähufä mit viel Herzblut, Leidenschaft und unzähligen Stunden Arbeit.

Aber was bedeutet das Fest eigentlich für das OK und den Verein? Was macht das Uferfäscht so besonders? Und woher kommt die Idee ein Sommerfest in Hergiswil zu veranstalten?

Wir haben beim diesjährigen OK nachgefragt! Danke a eyses OK UF!😘

OK Uferfäscht 2026

Das OK stellt sich vor

🎩 OK-Präsident – Alessandro

Ich bi dä Ale und dä OK-Präsi vo dem Fäscht. Heisst: Je besser d OK Mitglieder ihre Job mechid, desto weniger hanich ztuä. Und ich ha nid so vill ztuä gha das Jahr!😉

🦺 Personal - Steffi

Ich bi d Steffi und bi verantwortlich, das niämmert eifach im Ziig ummä stad und nid schaffet.

🔨 Bauchef – Sandro

🍸 Fäschtwertin – Elena

🎤 Marketing / Deko / Bands – Patrizia

Patrizia und ich mache s marketing d deko und bueche d Bands.

🤝 Sponsoring – Moana

Ich bi d Moana und für s Sponsoring verantwortlich.

Hinter den Kulissen: Das OK im Interview

Wie isch d'Idee zum UF entstande?

D'Entstehigsgschicht kennt hüt nümm jedes OK-Mitglied ganz genau – klar isch aber: S’Uferfäscht hed Tradition. Vor villne Jahr isch de Grundstei gleit worde und de heds einisch de Wäg zu eys gfundä.

Aber es wär ja langwiilig, wenn das die ändgültig Antwort wär... Wäg dem simmer tüüfer hinder d'Kulisse. Zum Glück hed de Schärbähufä so viel langjährigi Mitglieder underanderem anschienend es Gründigsmitglied vum Originale OK Uferfäscht🥳😅 Danke Adi, dass du die Gschicht mit eys teilsch!😉

sUferfäscht isch damals vom Turnverein gründet worde. Im damalige OK sind de Erich Näf und ich gsi. Nach öppe 12 Jahr hends dGnome für 2 Jahr übernoh. Im 2000 sind mier denn is sSpiel cho – die erst Sitzig bi üs dihei und die zweit Sitzig bim Hene mit Totalschäde und im Aschluss isch mer direkt go schaffä.

Was isch üches Ziel mit dem Fäscht?

S’Uferfäscht söll meh sii als eifach numä es Fäscht.

Es gaht drum, öppis fürs Dorf und d'Region z'mache. Lüüt zämebringe, Kultur fördere, zäme öppis uf d'Bei stelle – und natürlich au de Verein unterstütze.

Was bedütet das Fäscht füre Schärbähufä als Verein?

Für de Verein isch s’Uferfäscht scho lang en feste Bestandteil worde.

Nid nume im Winter ade Fasnacht präsent sii, sondern au im Summer öppis fürs Dorf uf d'Bei stelle, ghört für vill dezue.

Es isch Tradition und e Möglichkeit, sich als Verein s'zeige.

Was sind die grösste organisatorische Heruuserfoderige bim Fäscht?

Ganz klar: S'Wätter, d'Personalplanig und spontans Improvisiere.

Denn au wenn villes plant isch – irgendöppis chunnt immer andersch als dänkt. Und genau denn zeigt sich, wie guet s'OK als Team funktioniert.

Was erwartet dBsuecher:inne das Jahr?

Au das Jahr wartet wieder einiges:

🍺 Feyrabigbier & Hotdogs am Friitig für 9.-

🎶 Live-Musig mitem Dave Niederberger, Oxygen und East of Saints

💃 Tanzshow vo de Jugendtanzgruppe Dance Girls Hergiswil

🍖 Regionals Ässe

🍹 Legendäri Cocktails

🌊 Summerstimmig direkt am See

Oder churz gseit: Alles, wo es guets Summerfäscht bruucht.

Hend ier Gastbands oder anderi Verein debii?

Ja – und genau das ghört dezue.

Näbst de Bands ladet de Schärbähufä au das Jahr wieder verschiedeni Verein us Hergiswil und Nidwaldner Gugge ii.

De Zämehalt under de Verein isch und bliibt en wichtige Teil.

Wer spräched ier mit dem Fäscht ah?

D'Antwort isch bi allne ziemlich ähnlich gsi:

Alli! Jung oder alt, Hergiswiler oder uswärtigi – Hauptsach Lust uf Summer, Musig und gueti Stimmig.

Wie finanziert sich das Fäscht?

Dur Liäbi und Härzbluät! ❤️

Was wünsched ier üch für das Jahr?

☀️ Schöns Wätter

👥 Vill Bsuecher

🎉 Gueti Stimmig

🍻 Langi Nächt

🌅 Und wieder es Fäscht, wo no lang im Chopf bliibt

Was wennd ier de Lüüt us Hergiswil oder de Region säge, damit sie chömed?

Wils genau das isch, wo de Summer bruucht:

Es Fäscht diräkt am Vierwaldstättersee. Mit gueter Musig, feinem Ässe, starche Drinks und bekannte Gsichter. Am 03./04. Juli hesch ja eh nüt los, de chasch ja zu üs uf d'Rössliwiese cho und gmüetlich ä Summerdrink gniässä. Ich würd sägä: Chemid doch au! Suscht verpassed ihr eppis.

Fazit –  Jetzt isch Summer 🎉

Noch wenige Tage, dann ist es wieder so weit:

Am Freitag, 03. Juli und Samstag, 04. Juli verwandelt sich die Rössliwiese in Hergiswil erneut in den wohl schönsten Festplatz am See.

📍 Rössliwiese, Hergiswil

📅 03. & 04. Juli 2026

Chömed verbii – und startet mit eys is Summer-Wucheänd! ☀️🍹🎶

---

Weiter geht's mit SHH-Spezial: Ehrenmitglieder! 👀