SHH-Spezial: Austritte
- Schärbähufä
- 20. Mai
- 5 Min. Lesezeit
Die 33. Generalversammlung ist Geschichte. 💛
Zehn Mitglieder verabschieden sich vom Schärbähufä – und hinterlassen eine ziemlich grosse Lücke… und noch grössere Erinnerungen.
Ein herzliches Dankeschön an Anja, Ivo, Michi, Nicole B, Nicole L, Privet, Petra, Qsi, Rilana und Stephan für all die Momente, den Einsatz und die Zeit, die ihr in den Verein gesteckt habt ❤️.
🎤 SHH-Spezial: Abschiedsfragen
Was wird üch vum Schärbähufä für immer in Erinnerig bliibe?
Anja: „Fründschafte fürs s'Läbä und e Familiä“
Ivo: „Dä zämähalt und sMusikalischä chönne vo jedem einzelne“
Michi: „Die ersti Prob, woni als bereits langjährige Musikant, eifach nume baff gsi bin. sGliche Gfühl hed sich dene im 'Weisch nu'-Jahr mit 60 Lüüt ah de erste Prob wiederholt“
Nicole B: „s genialschte Regischter, de Elio esch en Maa worde, d Aline knuddlet gärn und eigentlich chönnt mer bi allne öpis säge.....“
Nicole L: „De Zämehaut ide Gugge, die ganze Töifgründige Gspräch am Morge am 3i und so vieles meh.“
Privet: „Tolli Lüt und cooli Uftrit“
Petra: „S'bestä Register d'Posuine 2i. Diä viu touä Mänschä woni ha defä kennä lehrä und diä viu lustigi Momänd woni ha defä erläbä.“
Qsi: „All die tollä Leyt und sgfühl vonerä riesä Familiä“
Rilana: „Natürlich dia tolla Lüt woni han döffa kenna lerna, insbesonderi d Anita😉“
Stephan: „Das jedä Willkommä isch und sich (meistens) völlig frei cha fühlä.“
Wie hesch du dich verändered, wenn du a dis erste Jahr als Mitglieder zruggdenksch – und ah hüt?
Anja: „ha vor 30 Jahr no kei graui Haar gha... aber suscht isch eigentlich alles no gleych“
Ivo: „aso wennich zrug dänkä is jahr 2008 wonich sErstä jahr gmacht han hedsich so zimmlich alles gändered😅“
Michi: „ich chan hüt nach 10 Bier ufhöre, meistens 😉“
Nicole B: „😃 velli anderi Frontzahle duregmacht und jedes mol i de Guugge chönne s Kind i mer lo ufläbe.“
Nicole L: „Ich bi Älter worde und ha ehn andere Nachname, kei Sidecut und kei Blaui Haar meh. Ich bi ganz schhön ahständig worde🤣“
Privet: „Älter aber ned erwachsener“
Petra: „Bi bitzli eltär wordä aber nid viu erwachsner.“
Qsi: „Ich bi älter wordä und ha ä gwissi Toleranz für Alkohol entwicklet“
Rilana: „I bin a absoluti profi Posunistin worda und i han glernt dass miar de Hufa viel meh ans Herz gwachsa isch als was i am Afang denkt han.“
Stephan: „Ich bi glabs erwachsner wordä, nid Erwachsä aber erwachsner“
Freusch du dich scho uf de nöchst Uftritt – dasmal vor de Bühni?
Anja: „natürlich“
Ivo: „uf jedäfall! Ich wirde üch fix go luägä wennich zieht han!!“
Michi: „Ja und nei, freue mich de Schärbähufä zghöre, würd dene aber definitiv ai gäre mitspiele“
Nicole B: „sehr jo mit vell Konfetti“
Nicole L: „Absolut, ohni chopfweh bim Spile z bechho s Downie und s Zombie z ghöre fröit mi itz scho.“
Privet: „Ja sehr“
Petra: „Ja sehr“
Qsi: „Ja freu mich mega dä Huifä ai mal vo vorä zgherä, ha aber ai sgfühl dasses chli sträng wird“
Rilana: „Jaa Meeegaaa!!“
Stephan: „Ja, a wens mich wird i dä Finger chitzlä zum mitspielä.“
Was wünschisch du im Schärbähufä für d'Zuekunft?
Anja: „hend Sorg zu dem guete zämähalt underenand und luegid guet zu meyne Buebe“
Ivo: „daser Musikalisch so dra bliebid we jetzt und vorallem de Spass am spielä nid verlürid!“
Michi: „Eifach das de Verein wiiterläbt und dFasnacht uf sini ganz spezielli Art beläbt“
Nicole B: „ganz vell neui Posune 2 spieler“
Nicole L: „Ganz vieli Geili Mäuche wo die Gugge mitbewege und mindestens so lang wie de Esi debiibliibe.“ Kommentar aus der Redaktion: Notiz für dGugge, mier währed ez bi 33 Jahr. Zahl steigend😉
Privet: „Geili Fäschter schöni Zeit mitenand“
Petra: „Ganz viu cooli Uiftritt und legändäri Fäster.“
Qsi: „Das dui weyterhin so ä luschtigä und wildä Huifä bleybsch“
Rilana: „Das ganz viel tolli neui Mitglieder dazua kömmen wo d Fasnacht genau so liaben wia alli wo dabi sind.“
Stephan: „Das ihär weiter hin äfach so sind wiä ihär sind.“
Gids nu öppis, wo du unbedingt loswerde wottsch – lustig, ernst oder ganz persönlich?
Anja: „es isch mier e Ehr gsi, nomal midem Schärbägwändli uf de Bühni z'stah 😘“
Ivo: „gid kei besseri guggä as dä Schärbähufä!!!!“
Michi: „Ich ha mal mitem Sandro gfühlt eh Stund im Chüelwaage gschötled, anstatt sFäscht ufzruume 😂 Danke für alles ❤️“
Nicole B: „bliebet wiiter eifach lieb mitenand und de gspührsch mi fühlsch mi Cheff sell wiiter ganz vell Liebi streue ❤️ D Wält brucht meh Liebi, aso möched Liebi und verbrönned BH‘s…… Joli und Manu ehr ned…. die sind z‘tür.“
Nicole L: „Ich wett danke säge für die ungloublechi Ehr das ich öppis erreicht ha wo vor mier nunie öpper gschafft het ih dere Gugge. Ich bi 2 mal Schärbeli vom Jahr worde. Danke Schärbähufä. PS: Wie heisst die Gugge? Und Schiessiiit üüüch aaaaab.“
Privet: „Danke viel mal Schärbähufä für die tolle Zeit und schiessed üch ab!“
Petra: „Dankä vo ❤️-ä fir diä schenä und lustigä Jahr wo ich ha defä bim Schärbähufä erläbä. Ich wird diä schenä Erinnärigä immer i meym ❤️-ä ha. Anita ich wirdä dei gressti Fan vor dä Bühni sei.🫶🥳“
Qsi: „Dankä viel mal Schärbähufä für all diä schönä Jahr und luschtigä Gschichtli. Wiä heisst diä Guggä?“
Rilana: „Schiessend euu ab!!!!“
Stephan: „Luägid guät zur Schnupfkoffer, diä wed de a mal uf d'Webseittä wiä der Chiubiteff. => Elio for Susi 🍻“ Kommentar aus der Redaktion: Mit Frage chund mer wiit, so hends de Gaudenz und de Chiubiteff au uf dWebsiite gschafft... 👀
💬 Was bleibt, sind Erinnerungen
Jede und jeder von euch hat auf seine eigene Weise Spuren hinterlassen – sei es mit Humor, Leidenschaft, Freundschaft, Kreativität oder einem Schnupfkoffer.
Danke für all die unvergesslichen Momente ♥️ Ihr habt den Schärbähufä mitgeprägt und bereichert.
Wir wünschen euch nur das Beste für alles, was kommt. Und eins ist klar:
Wir sehen uns wieder –
🎺 an der Sackgass-Party,
🍻 bei einem Bier im Publikum,
💃 oder irgendwann… wieder auf der Bühne!
Zum Schluss bleybt nurno eis:
Wie heisst die Gugge? SCHÄRBÄHUFÄ! ... Schiessed eych ab!!
Noch ein kleiner Hinweis: Ganz durch sind wir noch nicht 😉
Michi, Stephan und Qsi brauchen noch ein bisschen Durchhaltevermögen – als frischgebackene Ehrenmitglieder kommen sie nämlich ebenfalls noch in den Genuss eines eigenen SHH-Spezials 😄❤️.
Also: dranbleiben lohnt sich! Da erfahrt ihr, wie es die 3 zum Ehrenmitglied schafften, wer der Meisterbauer des Shotschiffs und vieler weiterer Kunstwerke ist und wie sehr ein einfacher Satz wie "Spielt denselben Song nochmal" für immer in den Köpfen der Mitglieder bleibt! Ausserdem erwartet euch das letzte SHH-Spezial für den Mann, der im ersten SHH-Spezial interviewt wurde – damals noch als Präsident. 👀
Weiter geht's mit SHH-Spezial: Ehrenmitglieder! 👀
