SHH-Spezial: Dorf-Advent

Schärbähufä
vor 4 Tagen
4 Min. Lesezeit

Wenn die Lichter warm leuchten, der Duft von Weihnachtsguetzli durch die Gassen zieht und der weisse Glühwein gemütlich vor sich hin dampft – dann weiss man: Es ist wieder Dorf-Advent in Hergiswil. ✨

Mitten drin steht seit über 20 Jahren ein Stand, der weit mehr ist als Guetzli, Glühwein und Kaffee: Er ist ein Stück Vereinsherz, Tradition und ganz viel Leidenschaft.

Aber wer steckt eigentlich dahinter?

Wer sorgt dafür, dass die Guetzli schon am Sonntagmorgen fast ausverkauft sind, der Glühwein jedes Jahr perfekt gelingt und die Organisation wie von selbst läuft?

Wir haben Manuela und ihre beiden treuen Helferelfen Nicole und Qsi zum Interview gebeten und gefragt:

Wie ist die Idee entstanden? Was braucht es, bis der Stand steht? Und was ist eigentlich das Geheimnis hinter dem berühmten weissen Glühwein? 😉

Entstanden ist ein ehrliches, humorvolles und herzliches Gespräch – mit viel Liebe zum Detail und echter Adventsstimmung. 🎄✨

Danke an das Dorf-Advent Team für das Interview!

Das OK stellt sich vor

Nicole

„Nicole, gloubs 2019?, Hälfe de Grinch z bekämpfe.“

Qsi

„Kusi, 2011, irgendepis bastlä oder optimiärä“

Manuela

„Manuela, 2002, sicher nid de Grinch😂“

Interview mit Manuela und ihren Helferelfen

Wie isch d'Idee en Stand am Dorf-Advänt zha entstande?

Nicole: „Das wo d Manuela Seit.“
Qsi: „Das muäsch d'Manu fragä.“
Manuela: „Im erschtä Jahr, wo’s de Dorf-Advänt gäh hed, sind miär ahgfragt worde und de isch d’Idee mit em Guetzliverchaif entstande. Und hend detä scho am erschtä Tag am Namitag am 14.00 Uhr scho kei Guetzli meh gha.“

Siit wenn gids de Stand scho?

Nicole: „Das wo d Manuela seit.“
Qsi: „Ai das muäsch d'Manu fragä.“
Manuela: „Sit’s de Dorf-Advänt gid, vor 21 Jahr.“

Was isch üches Ziel mitem Stand?

Nicole: „Gaaaaaanz vill guetzli und glüewii verchoufe und somit d Lüt zum strahle bringe.“
Qsi: „Miär wend diä beschtä Guetzli und dä beschti Glüähwey under d'Leyt bringä.“
Manuela: „A erschter Stell de Leyt en Freud chennä z’mache. Und zweitens als Hergiswiler Verein chennä zeige, dass miär nid nur ade Fasnacht aktiv sind.“

Was verchaufed ier alles und was isch am beliebtiste?

Nicole: „Üse berüemti Glüewii, natürlich d Guetzli wo liebevoll vo jedem Mitglied bachet wärde und Kafi und Tee. Ich gloube d Guetzli gwinne knapp gäge glüewii.“
Qsi: „Bi eys gids diä beschtä (und glab ai diä gröschti uiswahl vo) Guetzli, dä beschti Glüähwey, Kaffe und Tee. Guetzli und Glüähwey teilid sich platz 1!“
Manuela: „Sälber gmachti Wiähnachtsguetzli, weyssä Gliähwey, Kafi mit und ohni Schnaps. Und am beliäbtischtä wurd ich jetzt zerscht uf d’Guetzli tippe und erscht denn uf de weyssä Gliähwey.“

Was ischs Gheimrezept für dä legendär feini weyssi Glüehwii? 👀

Nicole: „Ide Manuela ihri Strümpf, ganz viel wii und chli magie.“
Qsi: „Genai das: Gheim.“
Manuela: „Viu Liäbi, en Prise vo dem und en Schuss vo dem😉 Pscht, susch wärs ja keis Gheimrezäpt!😊“

Ab wenn fad dPlanig ah und was muss alles organisiert wärde?

Nicole: „Das het d Manuela zum glück voll im Griff.“
Qsi: „Dankä viel mal Manu.“
Manuela: „D’Planig faht ca. Ändi September ah. Organisiere miänd miär eigentlich nur, wer as weli Guetzli bached und wer as wenn a Stand chund cho häufe verchaife. De Rescht isch eigentlich en Sälbschtläufer🤷‍♀“

Wie guet lauft de Stand? Isch einisch alles viel zFrüeh usverchauft gsi?

Nicole: „De Stand louft mega guet, mer hei scho oft am Sunntig Morge scho fast kei Guetzli meh gha.“
Qsi: „Äs isch en sehr beliäbtä Stand und äs cha durchuis vorcho das s'eint oder ander vor Feyrabig scho vergriffä isch... Also nid zlang wartä mit verbeycho.“
Manuela: „De Stand laift immer sehr guet. Sogar bevor de Märt afaht😊 Und Grundsätzlich hend miär immer alles zfriäh uisverchaift.“

Heds einisch en Panne gäh i de Vorbereitig? und wie isch die glöst worde?

Nicole: „Dank de Manuela gits kei Panne, sie isch s Härz vo üsem Stand, ohni sie wärs nid Halb so schöön. Danke ♥“
Qsi: „Nid das ich wisst.“
Manuela: „Nid das ich wisst… Aber ohni meyni zwei (H)Elferlein wär ich mängisch scho chli uifgschmisse. De Qsi isch super, wenns ums Builiche gaht und d’Nicole wenn’s um en Nachtschicht mit Guetzli bache gaht. Danke Eych viu mal🙏🏼“

Was ischs schönste a dere Ufgab?

Nicole: „Ide manu ihres Glückliche Gsicht, wenn die erste paar Guetzlisäck über d Theke gange si, alles louft und de Glüewii glunge isch.“
Qsi: „Das es eigentlich immer so reybigslos funktioniert. Ussert am Sunntigmorgä, det chas ai mal sträng sey.“
Manuela: „Ade Leyt en Freud chennä z’mache.“

Gids nu öppis wo ier wennd verzelle?

Nicole: „Danke vöu mau für s verbiicho, für s Bache, für s Organisiere es isch jedes Jahr eh Fröid.“
Qsi: „Äs riesä Dankä a all diä fleyssigä Guggämitglieder fürs bachä und schaffä am Stand. Und ai äs riesä Dankä a all diä treuä Chundä ohni eych alli wär das so nid möglich.“
Manuela: „Es härzlichs Dankescheen a all eysne treuä Chunde wo jedes Jahr eys Unterstitzid und eysi feine Guetzli chaifid. Nateyrlich aber ai es riesigs Dankescheen a d’Guggeleyt, denn ohni diä, wurds gar nid gah😘“

Fazit – Guetzli jetzt schon fast ausverkauft!

Am Ende sind es nicht nur Guetzli oder Glühwein – es sind die Menschen, die den Stand seit über zwei Jahrzehnten prägen.

Manuela, Nicole und Qsi sorgen jedes Jahr dafür, dass der Dorf-Advent ein Stück persönlicher wird: mit selbstgemachten Guetzli, gutem Glühwein und einer Atmosphäre, die man sofort erkennt.

Danke an alle, die backen, helfen oder vorbeischauen. Ohne euch gäbe es diesen Stand so nicht.

Wer uns dieses Jahr besuchen möchte, findet uns am

29. & 30. November – Stand Nr. 89.

Und wie immer gilt: Guetzli verschwinden schneller, als man denkt. 😉

Weiter geht's mit SHH-Spezial: OK Planet Schärbähufä! 👀